پاکستان ڈیموکریٹک موومنٹ (پی ڈی ایم) کا سربراہی اجلاس آج منعقد ہوگا۔

اجلاس دن دو بجے مسلم لیگ ن کے سیکرٹریٹ میں مولانا فضل الرحمان کی صدارت میں ہوگا جس میں 3 نکاتی ایجنڈے پر غور کیا جائے گا۔

اجلاس میں چیئرمین و ڈپٹی چیئرمین  سینیٹ انتخابات پر مشاورت کے بعد قانونی جنگ لڑنے سے متعلق اہم فیصلہ کیا جائے گا۔

اجلاس میں 26 مارچ کو شروع ہونے والے لانگ مارچ کی تیاریوں کے حوالے سے بھی جائزہ لیا جائے گا۔

اجلاس میں اسمبلیوں سے استعفوں کے معاملے پر مشاورت بھی کی جائیگی۔

اجلاس میں بلاول بھٹو زرداری، مریم نواز سمیت دیگر قائدین شرکت کرینگے جبکہ آصف زرداری اور نوازشریف ویڈیو لنک کے ذریعے اجلاس میں شرکت کرینگے۔