پشاور میں کورونا وائرس کے پھیلاؤ کے پیش نظر مائیکرو اسمارٹ لاک ڈاؤن لگانے کا نوٹیفیکیشن جاری کردیا گیا ہے۔

جاری نوٹیفکیشن کے مطابق صوبائی دارلحکومت کے مزید 9 علاقوں میں آج شام چھ بجے سے مائیکرو اسمارٹ لاک ڈاؤن نافذ ہوگا۔

پشاور کے مائیکرو اسمارٹ لاک ڈاؤن کے دوران لاک ڈاؤن والے علاقوں سے آوٹ انٹری بند رہے گی جبکہ صرف ضروری اشیاء خوردنوش، میڈیسن، جنرل اسٹور، تندور اور ایمرجنسی سروس کی دکانیں کھلی رہیں گی۔

نوٹیفکیشن کے مطابق لاک ڈاؤن والے علاقوں کی مساجد میں صرف پانچ افراد کو باجماعت نماز پڑھنے کی اجازت ہو گی۔

مائیکرو اسمارٹ ڈاؤن لگانے کا مقصد کورونا کے پھیلاؤ کو روکنا ہے تاہم خلاف ورزی کر نے والوں کے خلاف قانونی کارروائی عمل میں لائی جائے گی۔

علاقہ مجسٹریٹ اور پولیس کو مائیکرو اسمارٹ لاک ڈاؤن پر عمل درآمد کے حوالے سے ہدایات جاری کر دی گئیں۔