نیشنل کمانڈ اینڈ آپریشن سینٹر (این سی او سی) کا آج ایک اور اہم اجلاس منعقد کیا جائیگا۔

ذرائع کا کہنا ہے کہ  این سی او سی کے اجلاس میں ملک بھر میں کورونا وباء کی موجودہ صورتحال کا جائزہ لیا جائے گا۔

اجلاس میں کورونا سے بچاؤ کے لیے لاک ڈاؤن کے اقدامات سمیت عمل درآمد کا بھی جائزہ لیا جائے گا۔

این سی او سی کے آج ہونے والے اجلاس میں بین الصوبائی ٹرانسپورٹ کا معاملہ بھی زیر غور آئے گا۔

این سی او سی اجلاس میں صوبائی وزرائے چیف سیکرٹری بذریعہ وڈیو لنک شرکت کریں گے۔

یاد رہے کہ گزشتہ روز اہم اجلاس میں تمام ان ڈور اور آؤٹ ڈور تقریبات پر پابندی عائد کی گئی تھی ۔