آصف زرداری اور فضل الرحمان   کےدرمیان پی ڈی ایم کا اتحاد برقرار رکھنے پر اتفاق ہوگیا۔

ذرائع کے مطابق  پی ڈی ایم  کے سربراہ  مولانا فضل الرحمان  نے سابق صدر آصف زرداری سے ٹیلی فونک رابطہ کیا جس میں  دونوں رہنماؤں کا پی ڈی ایم کا اتحاد برقرار رکھنے پر اتفاق  ہوا۔

ذرائع کا کہنا ہے کہ  دونوں رہنماؤں میں اختلافی امور طے کرنے کے لیے مشاورت جاری رکھنے پر بھی اتفاق ہوا۔

مولانا فضل الرحمان نے آصف زرداری سے جلد پی پی کی سینٹرل ایگزیکٹو کمیٹی کا اجلاس بلانے کی درخواست کی  جس پر  آصف زرداری نے انہیں 4 اپریل کو سی ای سی اجلاس بلانے کے فیصلے سے آگاہ کیا۔

ذرائع کا مزید کہنا ہے کہ دونوں رہنماؤں کے درمیان سینیٹ میں اپوزیشن لیڈر سے متعلق امور پر بھی گفتگو کی گئی جس میں  یوسف رضا گیلانی کی شکست کے معاملے پر جلد عدالت سے رجوع کرنے پر بھی اتفاق ہوا۔

ذرائع کا کہنا ہے کہ آصف زرداری سے رابطے کے بعد مولانا نے نواز شریف سے رابطہ کیا۔