کویت کے وزیر خارجہ شیخ ڈاکٹر احمد نصر ال محمد الصباح وفد کے ہمراہ وزارت خارجہ پہنچے ہیں۔

کویتی وزیر خارجہ کی وفد کے ہمراہ وزارت خارجہ آمد پر وزیر خارجہ مخدوم شاہ محمود قریشی نے معزز مہمانوں کا خیرمقدم کیا ہے۔

کویتی وزیر خارجہ نے وزارتِ خارجہ کے سبزہ زار میں یادگاری پودا بھی لگایا ہے۔

کویتی وزیر خارجہ شیخ ڈاکٹر احمد نصر ال محمد الصباح ، وزارت خارجہ میں وزیر خارجہ سے ملاقات کریں گے۔

اس ملاقات میں دو طرفہ تعلقات اور کثیرالجہتی شعبہ جات میں دو طرفہ تعاون کے فروغ کے حوالے سے تفصیلی تبادلہ خیال کیا جائے گا۔

کویتی وزارت خارجہ ،وزارت صحت، وزارت داخلہ اور وزارت صنعت و تجارت کے اعلیٰ حکام پر مشتمل ایک وفد بھی کویتی وزیر خارجہ کے ہمراہ ہے۔

توقع ہے کہ کویتی وزیر خارجہ کا یہ دورہ، دونوں ممالک کے درمیان تعلقات اور بڑھتے ہوئے تعاون کو مزید مستحکم بنانے میں معاون ثابت ہو گا۔