آرمی چیف جنرل قمر جاوید باجوہ کا کہنا ہے کہ آپریشن سوئفٹ ریٹارٹ میں ایئر چیف مارشل مجاہد انور خان نے شاندار قائدانہ کردار ادا کیا۔

پاک فوج کے شعبہ تعلقات عامہ (آئی ایس پی آر) کے مطابق  ایئر چیف مارشل مجاہد انور خان   نے جی ایچ کیو  کا دورہ کیا۔

ایئر مارشل مجاہد انور خان نے آرمی چیف سے الوداعی ملاقات کی۔

آرمی چیف جنرل قمر جاوید باجوہ نے ایئر چیف کی خدمات کو سراہتے ہوئے  آپریشن سوئفٹ ریٹارٹ میں ان کی قائدانہ صلاحیتوں کی تعریف کی۔

جنرل قمر جاوید باجوہ نے کہا کہ دہشتگردی کے خلاف جنگ میں بھی ایئر چیف مارشل کا تعاون اورپیشہ ورانہ مہارت نمایاں رہی ہے۔

آرمی چیف کا مزید کہنا تھا کہ  معیاری قیادت اوربھرپورکوششوں کے نتیجے میں پاک فضائیہ کا آج کوئی ثانی نہیں ہے۔

آرمی چیف نے قوم کے لیے طویل خدمات کی انجام دہی پر ایئر چیف کا شکریہ  ادا کیا۔

جی ایچ کیو آمد پر ایئر چیف کو گارڈ آف آنر  بھی پیش کیا گیا۔