الیکشن کمیشن نے یوسف رضا گیلانی کو نا اہل کرنے کی پی ٹی آئی کی درخواست قابل سماعت قرار دیدی ہے۔

تفصیلات کے مطابق یوسف رضا گیلانی کی کامیابی کا نوٹیفکیشن روکنے کے معاملے پر الیکشن کمیشن کے چار رکنی بینچ نے محفوظ فیصلہ سنا دیا ہے۔

سنائے جانے والے فیصلے کے مطابق الیکشن کمیشن نے یوسف رضا گیلانی کی کامیابی کا نوٹیفکیشن روکنے کی درخواست مسترد کر دی جبکہ  یوسف رضا گیلانی کو نا اہل کرنے کی پی ٹی آئی کی درخواست قابل سماعت قرار دیدی ہے۔

اس حوالے سے الیکشن کمیشن نے کیس 22 مارچ کو سماعت کیلئے مقرر کردیا ہے جس میں علی حیدر گیلانی اور یوسف رضا گیلانی کو طلب کیا گیا ہے۔

یاد رہے کہ الیکشن کمیشن نے یوسف رضا گیلانی اور فوزیہ ارشد کی کامیابی کا نوٹیفیکیشن جاری کر دیا ہے۔