نیشنل کمانڈ اینڈ آپریشن سینٹر (این سی او سی) کی جانب سے ملک بھر میں کورونا ایس او پیز مزید سخت کرنے کا فیصلہ کیا گیا ہے۔

تفصیلات کے مطابق این سی او سی کا صوبائی چیف سیکرٹریز کے ساتھ خصوصی اجلاس منعقد ہوا جس میں ملک بھر میں کورونا کیسز بڑھنے کے سبب ایس او پیز کا نفاذ مزید سختی سے کرنے کا فیصلہ کیا گیا ہے۔

این سی او سی اجلاس میں مُلک بھر میں تمام اقسام کی انڈور اور آؤٹ ڈور اجتماعات پر فی الفور پابندی عائد کر دی گئی ہے جبکہ  5 اپریل سے شادی کی تقریبات پر ان ڈور اور آؤٹ ڈور مکمل پابندی عائد کرنے کا فیصلہ کیا گیا ہے۔

اجتماعات میں تمام اقسام کے سماجی، ثقافتی، سیاسی، اسپورٹس اور دیگر اقسام بھی شامل ہیں۔

این سی او سی کے مطابق صورتحال کے پیش نظر صوبائی انتظامیہ وقت سے پہلے پابندیاں عائد کرنے کے لیے بااختیار ہوگی جبکہ 29 مارچ سے صوبوں کو لاک ڈاؤن کے لیے تازہ ہاٹ اسپاٹس کے نقشے فراہم کیے جائیں گے۔

اسکے علاوہ ٹرانسپورٹ پر پابندی کے حوالے سے ختمی فیصلہ صوبوں سے ڈیٹا کی بنیاد پر کیا جائے گا۔

اس ضمن میں وفاقی وزیر برائے منصوبہ بندی اسد عمر نے کہا ہے کہ این سی او سی کے آج ہونے والےاجلاس میں تمام صوبوں کے چیف سیکرٹریز کو ایس او پیز پر عمل درآمد یقینی بنانے کے لیے سخت اقدامات کی ہدایات کی گئی ہے۔

ان خیالات کا اظہار وفاقی وزیر اسد عمر نے سماجی رابطے کی ویب سائٹ پر اپنے ایک پیغام میں کیا ہے اور شہریوں سے کورونا ایس او پیز پر عمدرآمد میں انتظامیہ کے ساتھ تعاون کی اپیل بھی کی ہے۔

Held ncoc meeting today with provincial chief secretaries & reviewed the situation. Based on continuing increase in disease spread & fast pace at which hospital fill up is taking place, particularly critical covid patients, decided to further tighten restrictions.

— Asad Umar (@Asad_Umar) March 28, 2021

اسد عمر نے کہا ہے کہ انتظامیہ کی جانب سے ایس او پیز کا نفاذ عوام کی حفاظت کے لیے ہی کیا جارہا ہے۔