خیبرپختونخوا حکومت کے ترجمان کامران بنگش نے کہا ہے کہ لانگ مارچ کا حشر استعفوں سے بھی بدتر ہوا ہے کہ پی ڈی ایم لانگ مارچ آغاز سے پہلے انجام کو پہنچ گیا ہے۔

تفصیلات کے مطابق پی ڈی ایم لانگ مارچ کے التواء پر  خیبرپختونخوا حکومت کے ترجمان کامران بنگش نے ردعمل دیا ہے کہ اب ملک میں صرف وزیراعظم عمران خان کی قیادت میں تبدیلی کا ایجنڈا چلے گا کیونکہ اگلی باری بھی پی ٹی آئی کی ہے۔

حکومت کو گھر بھیجنے کے دعوے کرنے والی پی ڈی ایم خود سائڈ لائن ہوگئی ہے۔

کامران بنگش کا کہنا تھا کہ حکومت کو گرانے والے آج عوام کی نظروں سے بھی گر گئے ہیں۔