رینجرز اور پولیس  نے خفیہ معلومات پر کراچی میں مشترکہ کارروائی کرکے تین دہشتگردوں کو گرفتار کرلیا۔

تفصیلات کے مطابق پاکستان رینجرز سندھ اور پولیس  نے خفیہ معلومات پر کراچی کے علاقے اتحاد ٹاؤن میں مشترکہ کارروائی کرکے تین دہشتگردوں کو گرفتار کرلیا ہے۔

گرفتار دہشتگردوں کا تعلق    کالعدم تحریک طالبان پاکستان (ٹی ٹی پی) اور داعش  سے ہے۔

ملزمان نور محمد عرف ابودردہ، حیات اللہ اور خان بہادر عرف قاری باسط کے قبضے سے اسلحہ اور گولہ بارود برآمد ہوا ہے۔

ملزمان ،پاکستان فورسز پر کریکر حملوں اور بم دھماکوں میں ملوث ہیں۔

دہشت گرد پاکستان خصوصاً کراچی میں دہشت گردی کی منصوبہ بندی کر رہے تھے۔