پاکستان پیپلزپارٹی کی رہنما اور سینیٹر شیری رحمان نے کہا ہے کہ پیپلزپارٹی نے ہمیشہ کہا ہے کہ ہم استعفوں کی سیاست پر یقین نہیں رکھتے ہیں۔

تفصیلات کے مطابق بلاول ہاؤس میں پیپلز پارٹی کی رہنما شیری رحمان نے اہم پریس کانفرنس کرتے ہوئے کہا ہے کہ یوسف رضاگیلانی کی جیت سےحکومت کےتابوت میں پہلا کیل لگ گیاہے۔

شیری رحمان نے کہا ہے کہ سینیٹ میں سب سے بڑی جماعت ہیں، اپوزیشن لیڈر پر ہماراحق تھا۔

انہوں نے کہا کہ مسلم لیگ ن کے لئے اپوزیشن لیڈر کا عہدہ چھوٹا ہے تو پھر کیوں اتنی ہٹ دھرمی تھی اور اتنا چھوٹا عہدہ لگ رہا تھا تو مشاورت کیوں نہیں کی۔

انہوں نے مزید کہا کہ آپ توڑیں لوگوں کو، قائل کریں اپوزیشن میں آکر بیٹھیں یہ تو جائز سیاسی عمل ہے اور پوری دنیا میں ہوتا ہے۔

ان کا کہنا تھا کہ دیگرممالک میں کوروناویکسین لگوانےکی شرح پاکستان سےزیادہ ہے کیونکہ 8 ہزار کی ویکسین ہر کوئی نہیں خرید سکتا ہے اور مارکیٹ میں بھی کورونا ویکسین 160 فیصد مہنگی بیچی جارہی ہے۔