برطانوی ہائی کمشنر کرسچن ٹرنر نے کہا ہے کہ ملک کی ترقی خواتین کی شمولیت کے بغیر ناممکن ہے۔

تفصیلات کے مطابق برطانوی ہائی کمشنر کرسچن ٹرنر نے خواتین کے عالمی دن کے موقعے پر اردو میں ویڈیو پیغام جاری کیا ہے۔

برطانوی ہائی کمشنر کرسچن ٹرنر نے کہا ہے کہ آج عالمی یوم خواتین ہے جس کا تھیم ’چوز ٹو چیلنج‘ ہے، تھیم کا مقصد وہ رویہ روکنا ہے جو خواتین کوپوری استعداد کار سے روکتا ہے۔

کرسچن ٹرنر نے کہا ہے کہ ملک کی ترقی خواتین کی شمولیت کے بغیر ناممکن ہے، بہتر خوشحال پاکستان کیلئے خواتین کو برابر مواقع دینے کی ضرورت ہے۔

انہوں نے کہا ہے کہ بہتر خوشحال پاکستان کیلئےخواتین کواختیارات اورایجوکیشن کی ضرورت ہے۔

برطانوی ہائی کمشنر نے  ان ساتھی خواتین ورکرز کا شکریہ ادا کیا ہے جو ہائی کمیشن میں ساتھ دے رہی ہیں۔