پی ڈی ایم رہنماؤں کا کہنا ہے کہ پاکستان کو معاشی بحران سے نکالنے کا واحد راستہ الیکشن ہے اور  یہ عمران خان کو کھلا چیلنج ہے۔

تفصیلات کے مطابق اسلام آباد میں شاہد خاقان عباسی نے میڈیا سے بات چیت کرتے ہوئے کہا ہے کہ کل کی شکست پر سارے بوکھلاہٹ کا شکار ہیں۔

شاہد خاقان عباسی کا کہنا تھا کہ کل وزیر خزانہ کی شکست ہوئی جس کے بعد حکومتی وزراء نے اعتماد کا ووٹ لینے کی بات کردی۔

پاکستان پیپلزپارٹی کے رہنما راجہ پرویز اشرف کا کہنا تھا کہ قومی اسمبلی نے عمران خان پر عدم اعتماد کر دیا، شکست کے بعد حکومت کے تمام ہتھکنڈے فضول ہیں۔

انہوں نے کہا کہ پاکستان کی تاریخ میں اتنی مہنگائی نہیں ہوئی، ہر طبقہ سراپا احتجاج ہے اور یوسف رضا گیلانی کی کامیابی نے ثابت کر دیا کہ حکومت ناکام ہوچکی ہے۔