حکومت  نے وفاقی وزیر عبدالحفیظ شیخ کو وزارت سے ہٹانے کا فیصلہ کرلیا۔

ذرائع کے مطابق  حکومت  نے وفاقی وزیر عبدالحفیظ شیخ کو وزارت سے ہٹانے کا فیصلہ کرلیا ہے، ان کی جگہ   حماد اظہر نئے وزیر خزانہ ہوں گے۔

حفیظ شیخ  پیپلز پارٹی کے امیدوار یوسف رضا گیلانی سے سینیٹ کا الیکشن ہار گئے تھے۔

ذرائع کا مزید کہنا تھا کہ کابینہ میں مزید تبدیلیوں کا بھی فیصلہ کیا گیا ہے جو کہ آئندہ ہفتے  ہوں گی۔

ذرائع کا کہنا ہے کہ شبلی فراز اور فواد چوہدری کے قلمدان تبدیل کیے جانے کا امکان ہے۔شبلی فراز کو پیٹرولیم کی وزارت دی جاسکتی ہے۔

ذرائع کا مزید کہنا ہے کہ مراد سعید اور ذلفی بخاری کی وزارت بھی تبدیل ہوسکتی ہے جبکہ  سینیٹر فیصل جاوید کو بھی ذمہ داری ملنے کا امکان ہے۔

ذرائع کا کہنا ہے کہ حتمی فیصلہ وزیراعظم عمران خان کریں گے۔