سینیٹر شبلی فراز نے کہا ہے کہ پاکستان ڈیموکریٹک موومنٹ (پی ڈی ایم) کا اب کوئی وجود باقی نہیں رہا ہے، ان کے درمیان دوریاں بڑھ گئی ہیں۔

تفصیلات کے مطابق سینیٹر شبلی فراز نے میڈیا ٹاک کرتے ہوئے کہا ہے کہ انا، ضد اور نفرتوں کی سیاست کریں گے تو لوگ آپ سے علیحدہ ہونا شروع ہوجائیں گے۔

شبلی فراز نے کہا ہے کہ ن لیگ نے نہ کسی کو عزت دی اور نہ ہی مشاورت کی اور ایسی صورتحال میں ان کے حصے میں رسوائی آئی ہے۔

ان کا کہنا تھا کہ پیپلزپارٹی ذاتی مفادات کے لیے کارڈز کھیل رہی ہے، اپوزیشن لیڈر کے حوالے سے بھی ن لیگ سے مشاورت نہیں کی گئی۔