قومی اسمبلی، انسداد بدعنوانی ایکٹ1947 میں ترمیم کا بل منظور

قومی اسمبلی کی جانب سے انسداد بدعنوانی ایکٹ1947 میں ترمیم کا بل منظور کرلیا گیا ہے۔

تفصیلات کے مطابق قومی اسمبلی کا اجلاس آج ڈپٹی اسپیکر قاسم سوری کی صدارت میں ہوا ہے۔

قومی اسمبلی میں انسداد بدعنوانی ایکٹ1947 میں ترمیم کا بل تحریک انصاف کے رکن شیر اکبر خان نے پیش کیا جو کہ منظور کرلیا گیا ہے۔

بعدازاں قومی اسمبلی میں عبادت بین الاقوامی یونیورسٹی اسلام آباد کے قیام بل 2021پر قائمہ کمیٹی کی رپورٹ امجد علی خان نے پیش کی۔

قومی اسمبلی نے عبادت بین الاقوامی یونیورسٹی بل 2021 منظور کرلیا ہے۔

قومی اسمبلی کا اجلاس جمعرات کی صبح گیارہ بجے تک ملتوی کردیا گیا ہے۔