معاون خصوصی برائے صحت ڈاکٹر فیصل سلطان نےکہا ہے کہ شہروں میں کورونا وباء کے پیش نظر ایس او پیز پر عملدرآمد میں انتظامی کمزوری نظر آرہی ہے۔

تفصیلات کے مطابق معاون خصوصی ڈاکٹر فیصل سلطان نے میڈیا بریفنگ میں بتایا ہے کہ حالیہ دنوں میں ساڑھے 9 فیصد کورونا کیسز رپورٹ ہوئے ہیں۔

انہوں نے کہا ہے کہ کورونا کیسز کا زیادہ دباؤ پنجاب کے بڑے شہروں سمیت اسلام آباد اور پشاور میں دکھائی دے رہا ہے۔

انہوں نے کہا ہے کہ انتظامیہ سے اپیل ہے کورونا صورتحال کو سنجیدہ لیا جائے اور کورونا وباء سے بچنے کیلئے ہدایات پر عمل کیا جائے۔

انہوں نے کہا ہے کہ کورونا وائرس کی نئی لہر کے سبب شہری احتیاط کریں، ماسک کا استعمال کریں اور سماجی فاصلہ برقرار رکھیں کیونکہ کورونا کیسز میں اضافے سے صحت کے نظام پر دباؤ بڑھتا ہے۔