پاک فضائیہ کے سربراہ ایئر چیف مارشل ظہیر احمد بابر سدھو  نے نیول ہیڈکوارٹرز کا دورہ کیا ہے۔

ترجمان پاک بحریہ کے مطابق  نیول ہیڈکوارٹرز آمد پر پاک بحریہ کے سربراہ ایڈمرل محمد امجد خان نیازی نے معزز مہمان کا استقبال کیا۔

پاک بحریہ کے چاق و چوبند دستے نے ایئر چیف کو گارڈ آف آنر پیش کیا۔

معزز مہمان نے نیول ہیڈ کوارٹرز میں یادگار شہداء پر پھولوں کی چادر چڑھائی اور ان کا پرنسپل اسٹاف آفیسرز سے تعارف کرایا گیا۔

Advertisement

CNS congratulated CAS on assuming Command of PAF & said that PN & PAF will continue endeavours to enhance synergy & seamless integration in related matters. Air Chief also assured PAF’s full support & pledged to work together in making defence of the country impregnable.(2/2)

— DGPR (Navy) (@dgprPaknavy) March 30, 2021

بعدازاں سربراہ پاک فضائیہ نے امیر البحر سے ملاقات کی اور پیشہ وارانہ امور پر تبادلہ خیال کیا۔

نیول چیف نے ایئر چیف مارشل ظہیر احمد بابر سدھو کو نئی ذمہ داریاں سنبھالنے پر مبارکباد دی اور ان کے لیے نیک خواہشات کا اظہار کیا۔

امیرالبحر نے اس عزم کا اعادہ کیا کہ پاک بحریہ مسلح افواج کے مشترکہ شعبوں میں تعاون اور ہم آہنگی کے لیے اپنا بھرپور کردار ادا کرتی رہے گی۔

ایئر چیف نے خطے میں سمندری تحفظ  کے لیے پاک بحریہ کی پیشہ وارانہ صلاحیتوں اور کارکردگی کی تعریف کی۔

سربراہ پاک فضائیہ نے پیشہ وارانہ امور میں پاک بحریہ کے بھر پور تعاون کو سراہا اور نیک خواہشات کے اظہار پر نیول چیف کا شکریہ ادا کیا۔