پاکستان بھر میں کورونا وائرس کے 3 ہزار 301 نئےکیسز رپورٹ ہوئے ہیں۔

این سی او سی کی جانب سے کورونا وائرس کی یومیہ رپورٹ کے مطابق گزشتہ 24 گھنٹے میں ملک بھر میں کورونا کے 3 ہزار 301 نئے کیسز رپورٹ ہوئے ہیں جس کے بعد مجموعی کیسز کی تعداد 6 لاکھ 37 ہزار 42 ہو گئی ہے۔

این سی او سی کی رپورٹ کے مطابق ملک بھر میں کورونا وائرس کے ایکٹیو کیسز کی تعداد 36 ہزار 849 ہو گئی ہے۔

گزشتہ 24 گھنٹے میں 957 افراد کورونا سے صحت یاب ہوئے ہیں جس کے بعد ملک بھر میں صحت یاب افراد کی تعداد 5 لاکھ 86 ہزار 228 ہو گئی ہے۔

رپورٹ کے مطابق گزشتہ 24 گھنٹے میں ملک بھر میں کورونا کے باعث 30 اموات رپورٹ ہوئی ہیں جس کے بعد مجموعی اموات کی تعداد 13 ہزار 965ہو گئی ہے۔