صدر مملکت ڈاکٹر عارف علوی نے پاک فضائیہ کے سربراہ ایئر چیف مارشل ظہیر احمد بابر کو نشان امتیاز (ملٹری)سے نوازا۔

تفصیلات کے مطابق پاک فضائیہ کے سربراہ ایئر چیف مارشل ظہیر احمد  کو نشان امتیاز (ملٹری) عطا کرنے کی تقریب ایوان صدر میں منعقد ہوئی۔

اعزاز دینے کی تقریب میں تینوں مسلح افواج کے سربراہان  نے بھی شرکت کی۔

پاک فضائیہ کے نئے سربراہ ایئر چیف مارشل ظہیر احمد بابر نے صدر عارف علوی سے ملاقات بھی کی۔

ایئر چیف نے صدر سے ملاقات میں باہمی دلچسپی کے امور پر تبادلہ خیال کیا۔ صدر نے ایئر چیف مارشل ظہیر احمد بابر کو نئی ذمہ داریاں سنبھالنے پر مبارک باد  پیش کی۔

آرمی چیف جنرل قمر جاوید باجوہ سمیت عسکری قیادت  نے  بھی صدر مملکت سے ملاقات کی۔

ملاقات ایوان صدر میں نئے ایئر چیف کے اعزاز میں استقبالیہ کے موقع پر ہوئی۔

ملاقات میں افواج پاکستان کے پیشہ ورانہ اور آپریشنل امور پر بات چیت کی گئی۔