پاکستان پیپلز پارٹی کی جانب سے  اپوزیشن لیڈر نامزد کرنے کے لئے درخواست جمع کرادی گئی ہے۔

یوسف رضا گیلانی کی سینیٹ میں نئے اپوزیشن لیڈر نامزدگی کے لئے 30 اراکین کے دستخطوں کے ساتھ درخواست جمع کرا دی ہے۔

چیئرمین سینیٹ صادق سنجرانی، اراکین کے دستخطوں کی تصدیق کے بعد اپوزیشن لیڈر کی نامزدگی کا نوٹیفیکیشن جاری کرینگے۔

اس ضمن میں شیری رحمان کا کہنا ہے کہ سینیٹ میں اپوزیشن لیڈر کے لئے 30 اراکین کے دستخط کے ساتھ درخواست جمع کروائی گئی ہے جس میں 21پیپلزپارٹی، 2 اے این پی اور ایک جماعت اسلامی کا رکن شامل ہیں۔

شیری رحمان نے بتایا کہ فاٹا 2، دلاور خان کے آزاد گروپ کے 4 ممبران نے حمایت کی ہے۔

یاد رہے کہ ن لیگ کے امیدوار کے پاس ابھی تک صرف 20 سینیٹرز کے دستخط ہیں جبکہ جے یو آئی نے ابھی کسی کو دستخط نہیں کر کے دیئے۔