پاکستان پیپلز پارٹی کے سیکرٹری جنرل سید نیر حسین بخاری نے کہا ہے کہ استعفوں سےمتعلق حتمی فیصلہ سی ای سی ہی کرےگی۔

تفصیلات کے مطابق پاکستان پیپلز پارٹی کے سیکرٹری جنرل سید نیر حسین بخاری نے بول نیوز کے پروگرام  بس بہت ہوگیا میں گفتگو کرتے ہوئے کہا کہ پیپلزپارٹی ہرسال شہیدبھٹوکی برسی پرسی ای سی میٹنگ کرتی ہے، اس سال سی ای سی کی میٹنگ راولپنڈی میں ہوگی۔

پاکستان پیپلز پارٹی کے سیکرٹری جنرل نے کہا کہ 20ستمبر کے ایکشن پلان میں استعفےکوآپشن کے طور پر استعمال کرنا شامل ہے۔

 سید نیر حسین بخاری نے یہ بھی کہا کہ موجودہ حکومت سےکیسے نجات چاہیے پی پی آج بھی اس ایجنڈے پر قائم ہے۔

پاکستان پیپلز پارٹی کے سیکرٹری جنرل سید نیر حسین بخاری نے مزید کہا کہ استعفوں کے بعد کیا لائحہ عمل اپنایاجائےگا اس پر غور کرنے کی ضرورت ہے جبکہ استعفوں کے معاملے پر سی ای سی میں غور ہوگا اور استعفوں سےمتعلق حتمی فیصلہ سی ای سی ہی کرے گی۔