چین کے سفیر  نونگ رونگ نے سربراہ پاک فضائیہ ایئر چیف مارشل ظہیر احمد بابر سدھو سے ملاقات کی ہے۔

پاک فضائیہ کے ترجمان کے مطابق چین کے سفیر نے پاک فضائیہ کی کمان سنبھالنے پر ایئر چیف کو مبارکباد پیش کی۔

دوران ملاقات چینی سفیر نے اس بات کا اظہار کیا ہے کہ پاک فضائیہ ایئر چیف مارشل ظہیر احمد بابر سدھو کی متاثرکن قیادت میں نئی بلندیوں کو چھوئے گی۔

ترجمان کنے بتایا ہے کہ ایئر چیف نے پاک فضائیہ اور عوامی جمہوریہ چین کی فضائیہ کے مابین قابل  ستائش تعاون پر اطمینان کا اظہار کیا ہے اور اسے مزید پروان چڑھانے کے عزم کا اعادہ کیا ہے۔

ملاقات کے دوران باہمی دلچسپی کے مختلف امور اور دو طرفہ تعاون پر بھی تبادلہ خیال کیا گیا ہے۔