پاکستان مسلم لیگ ن کے رہنما رانا ثناء اللہ نے کہا ہے کہ ڈسکہ الیکشن کے حوالے سے سپریم کورٹ کا کل کا فیصلہ حکومت کے تابوت میں آخری کیل ثابت ہوگا۔

تفصیلات کے مطابق میڈیا سے بات چیت کرتے ہوئے پاکستان مسلم لیگ ن کے رہنما رانا ثناء اللہ نے کہا ہے کہ حکومت خود چور چورکا شور مچاتی ہے اور خود چوری بھی کرتی ہے۔

رانا ثناء اللہ نے کہا ہے کہ ووٹ کو عزت دیئے بغیر ملک آگے نہیں بڑھ سکتا ہے اور موجودہ حکومت رنگے ہاتھوں ووٹ چوری کرتے ہوئے پکڑی گئی ہے۔

انہوں نے کہا ہے کہ حکومت کی جانب سے مخالفین کو ہرطرح سے نشانہ بنایا جارہا ہے کیونکہ یہ حکومت چاہتی ہے کہ  ہر طرح سے اپوزیشن کو نشانہ بنایا جائے۔

انہوں نے کہا ہے کہ پی ڈی ایم ووٹ چور کے خلاف متحد ہے اور حکومت کے خلاف جدوجہد جاری رکھے گی۔