وزیراعظم کے نمائندہ برائے مذہبی ہم آہنگی اور مشرق وسطیٰ طاہر محمود اشرفی نے کہا ہے کہ ناموس رسالت اور اسلامو فوبیا ایک عالمی مسئلہ ہے۔

وزیر اعظم کے نمائندہ برائے مذہبی ہم آہنگی اور مشرق وسطیٰ طاہر محمود اشرفی نے میڈیا سے بات کرتے ہوئے کہا ہے کہ ناموس رسالت اور اسلاموفوبیا کے مسئلے پر وزیراعظم نے مختلف ممالک کے سربراہان کو خطوط بھی لکھے ہیں اور ان کی کوشش سے ہم 57 اسلامی ممالک کو اکٹھا کرنے میں کامیاب ہوئے ہیں۔

طاہر محمود اشرفی نے کہا ہے کہ حکومت نے اسلامو فوبیا روکنے کے لئے بین الاقوامی سطح کے فورم پر آواز اٹھائی ہے اور عالمی سطح پر توہین رسالت روکنے کے لئے عالم اسلام کی اسلامی تنظیموں سے رابطہ کرکے اسلام آباد میں اجلاس  بُلانے کا ارادہ ہے۔

انہوں نے کہا ہے کہ توہین رسالت کےمعاملے پر دیگر مذاہب کے لوگوں سے بھی بات کی جارہی ہے۔

ان کا کہنا تھا کہ توہین رسالت سے متعلق اقوام متحدہ میں مستقل بنیادوں پر قانون سازی کی ضرورت ہے۔