لاہورہائیکورٹ کے تین رکنی ریفری بنچ کی جانب سے شہباز شریف کی ضمانت منظور کرلی گئی ہے۔

تفصیلات کے مطابق لاہور ہائیکورٹ میں منی لانڈرنگ کیس میں جسٹس علی باقر نجفی کی سربراہی میں تین رکنی ریفری بنچ نے شہباز شریف کی درخواست ضمانت پر سماعت کی۔

دوران سماعت درخواستگزار کی طرف سے امجد پرویز ایڈووکیٹ اور اعظم نذیر تارڑ ایڈووکیٹ نے دلائل پیش کیے۔

جس کے بعد لاہورہائیکورٹ کے تین رکنی ریفری بنچ نے منی لانڈرنگ کیس میں شہباز شریف کی ضمانت منظور کرلی ہے۔

قبل ازیں شہباز شریف کی ضمانت ایک جج نے منظور اور ایک نے مسترد کر دی تھی۔

یاد رہے کہ لاہور ہائی کورٹ نے مسلم لیگ ن کے مرکزی صدر اور قومی اسمبلی میں اپوزیشن لیڈر شہباز شریف کی درخواست ضمانت14 اپریل کو منظور کی تھی۔