وفاقی وزیر برائے توانائی محمد حماد اظہر سے سعودی سفیرنواف بن سعید المالکی کی ملاقات ہوئی ہے۔

ملاقات کے دوران توانائی کے شعبے میں جاری تعاون اور وزیراعظم پاکستان کے دورہ سعودی عرب کے حوالے سے بات چیت کی گئی ہے۔

دوران ملاقات وفاقی وزیر نے کہا ہے کہ پاکستان اور سعودی عرب کے مابین گہرے برادرانہ تعلقات‘ مشترکہ عقیدے ‘ثقافت ‘ اقدار و روایات پر مبنی ہیں جن کو مزید وسعت دینے کی ضرورت ہے۔

انہوں نے بتایا کہ پاکستان میں نئی ریفائنری کے قیام کیلیے موزوں ماحول ہے۔

اس موقع پر سعودی سفیر کا کہنا ہے کہ سعودی عرب پاکستان کے ساتھ موجودہ گہرے تعلقات کو مزید فروغ دینا چاہتا ہے۔

خیال رہے کہ معاون خصوصی پاور و پٹرولیم تابش گوہر اور سیکرٹری پاور ڈویژن کی بھی ملاقات میں شرکت کی۔