نیشنل کمانڈ اینڈ آپریشن سینٹر کی جانب سے کیے جانے والے فیصلے پر باقاعدہ عملدرآمد کا آغاز کردیا گیا ہے۔

تفصیلات کے مطابق این سی او سی کے فیصلے کے تحت اسلام آباد میں کورونا کی روک تھام کے لئے پاک فوج نے اپنی ذمہ داریاں سنبھال لی ہیں۔

انتظامیہ نے پاک فوج کے جوانوں کے ہمراہ مختلف علاقوں کا دورہ کرتے ہوئے کورونا ایس او پیز کی خلاف ورزی کرنے والوں کے خلاف ایکشن لیا ہے۔

اسکے علاوہ اسلام آباد انتظامیہ نے این سی او سی کی ہدایات پر تمام بین الصوبائی پبلک ٹرانسپورٹ کو بند کر دیا ہے۔

خیال رہے کہ اسلام آباد سے آنےاور جانے والی پبلک ٹرانسپورٹ پر آج سے اتوار کی رات 12 بجے تک پابندی عائد رہیگی۔