پاکستان میں تعینات انڈونیشیا کے سفیر آدم ملاورمان توگیو کی جانب سے نیول ہیڈ کوارٹرز اسلام آباد کا دورہ کیاگیا ہے۔

اس حوالے سے پاک بحریہ کے ترجمان کا کہنا ہے کہ انڈونیشین سفیر کی چیف آف دی نیول اسٹاف ایڈمرل محمد امجد خان نیازی سے ملاقات ہوئی ہے۔

ترجمان پاک بحریہ نے بتایا ہے کہ نیول چیف اور معزز مہمان کے درمیان خطے کی سیکیورٹی صورتحال اور دوطرفہ بحری تعاون کے مذید فروغ پر بات چیت کی گئی ہے اور باہمی دلچسپی کے امور پر تبادلہ خیال بھی کیا گیا ہے۔

ترجمان کے مطابق نیول چیف نے حال ہی میں انڈونیشین آبدوز کے ساتھ پیش آنے والے واقعے اور اس میں قیمتی انسانی جانوں کے نقصان پر تعزیت کی ہے۔