حکومت پاکستان کی جانب سے حاملہ خواتین کو کورونا ویکیسن لگانے میں اجتناب کرنے کی ہدایت کردی گئی ہے۔

تفصیلات کے مطابق پاکستان میں لگائی جانے والی چار کورونا ویکیسن کی حاملہ خواتین کے حوالے سے وزرات نیشنل ہیلتھ سروسز کی ہدایات جاری کردی گئی ہیں۔

اس ضمن میں حکام کا کہنا ہے کہ کورونا ویکیسن کے حاملہ خواتین پر ٹرائل ٹیسٹ کا واضح ڈیٹا موجود نہیں ہے۔

گائیڈلائنز کے مطابق سائنو ویک ویکسین کے حاملہ خواتین پر محدود ٹیسٹ کئے گئے ہیں جبکہ سائینو فارم کے حاملہ خواتین پر تجربات نہیں کئے گئے ہیں۔

اسکے علاوہ کین سائنو بائیو ،کے حاملہ اور بچوں کو دودھ پلانے والی خواتین پر تجربات نہیں کئے گئے جبکہ اسپوٹنک ویکیسن کے حاملہ خواتین پر بہت محدود ٹیسٹ کئے گئے ہیں۔