وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ پاکستان بھر میں سائنس کی مدد سے چاند کے حوالے سے اتفاق رائے پیدا کرنا چاہتے ہیں۔

تفصیلات کے مطابق چیئرمین رویت ہلال کمیٹی مولانا عبدالخبیر کی وفاقی وزیر سائنس اینڈ ٹیکنالوجی فواد چوہدری سے ملاقات ہوئی ہے۔

دوران ملاقات دونوں کی جانب سے ملک میں ایک ہی دن روزہ اور عید منانے پر اتفاق رائے پیدا کرنے کے لئے کوششیں کرنے کا اعادہ کیا گیا ہے۔

اس موقع پر مولانا کا کہنا تھا کہ رویت ہلال کمیٹی اور وزارت سائنس اینڈ ٹیکنالوجی چاند کی رویت کے حوالے سے مل کر کام کرینگے۔

بعدازاں مولانا عبدالخبیر نے اپنے موبائل فون میں وزارت کی تیار کردہ چاند کی ایپ حاصل کرتے ہوئے فواد چوہدری کی سائنس کے شعبہ میں خدمات کی تعریف بھی کی۔