ملتان میں ایس او پیز کی خلاف ورزی پر انتظامیہ کی کارروائیاں جاری ہیں جس کے نتیجے میں متعدد افراد کو گرفتار کر کے مقدمات درج کیے گئے ۔

ملتان میں ضلعی انتظامیہ کی جانب سے کورونا ایس او پیز کے خلاف کارروائی کے نتیجے میں 4 افراد کو گرفتار کر کے ان کے خلاف مقدمات درج کرلئے گئے ہیں۔

انتظامیہ کی جانب سے گزشتہ چوبیس گھنٹوں کے دوران28 دکانوں اور ایک ریسٹورنٹ کو سیل کیا گیا ہے جبکہ کورونا ایس او پیز پر عملدرآمد نہ کرنے     پر 13  بسوں کو تحویل میں لے لیا گیاہے۔

انتظامیہ کی جانب سے اب تک کورونا ایس او پیز کی خلاف ورزی کرنیوالوں پر1لاکھ46ہزار روپے جرمانہ عائد کیا گیا ہے۔

ملتان میں سیکرٹری آرٹی اے نے بھی ٹرانسپورٹ کے حوالے سے ہدایات جاری کردی ہیں جس کے مطابق ٹرانسپورٹرز کو سیٹوں کے تناسب سے بسوں اور وین میں 50 فیصد مسافر بٹھانے کا حکم دیا گیا ہے۔