مفتی اعظم پاکستان مفتی منیب الرحمان کا کہنا ہے کہ حکمران ہوش کے ناخن لیں۔

ملکی موجودہ صورتحال پر ویڈیو بیان جاری کرتے ہوئے مفتی منیب کا کہنا تھا کہ حکمران ہوش کے ناخن لیں، قتل و غارت کے سلسلے کو فوری ختم کیا جائے، وزیر داخلہ نے فرعونیت کا لب و لہجہ اختیار کیا ہوا ہے، شیخ رشید کو فوری لگام دی جائے۔

انہوں نے کہا کہ اگر پر امن احتجاج پر توجہ نہ دی گئی تو پھر ہمارے لیے عوام کے جذبات کو کنٹرول کرنا اور امن کی اپیل کرنا مشکل ہوجائے گا، خدارا پاکستان کو اس انتشار اور تباہی سے بچائیں، جنھیں اپنی طاقت پر ناز ہے وہ سمجھ لیں اللہ تعالی سے بڑا کوئی جبار اور عادل نہیں۔