کورونا کے بڑھتے کیسز کے پیش نظر حکومت بلوچستان کی جانب سے اسمارٹ لاک ڈاؤن کا نوٹیفکیشن جاری کردیا گیا ہے۔

جاری حکومتی نوٹیفکیشن پر یکم مئی تک عملدرآمدکیا جائے گا۔

جاری نوٹیفکیشن کے مطابق ہفتہ اور اتوار بھی صوبے بھر میں لاک ڈاؤن کیا جائیگا۔

نوٹیفکیشن میں بتایا گیا ہے کہ مارکیٹیں سحری سے لیکر شام 6 بجے تک کھلی رہیں گی جبکہ میڈیکل و جنرل اسٹور اور ایمرجینسی سے متعلق کاروبار پر اطلاق نہیں ہوگا۔

سرکاری غیر سرکاری و سیاسی مذہبی اجتماعات پر پابندی ہوگی جبکہ ہوٹلز اور کھانے پینے کی دکانیں افطار سے رات 12 بجے تک کھولی جائینگی تاہم ریسٹورنٹس میں بیٹھ کر کھانے کی اجازت نہیں ہوگی۔

نوٹیفکیشن میں رمضان المبارک میں تراویح کیلئے کھلی جگہ مختص کرنے کی ہدایت کی گئی ہے اور اسکے ساتھ ہی سرکاری و غیر سرکاری اداروں میں 15 دن کی شفٹ میں ملازمین کو بلانے کی ہدایت بھی کی گئی ہے۔

نوٹیفکیشن میں پبلک ٹرانسپورٹ میں ایس او پیز پر عملدآرمد کرنے کی ہدایت کرتے ہوئے بتایا ہے کہ پبلک ٹرانسپورٹ ہفتہ اتوار بند رہے گی۔