چیئرمین سینیٹ الیکشن میں خفیہ کیمروں کے معاملے پر تحقیقات کے لئے کمیٹی تشکیل دے دی گئی ہے۔

تفصیلات کے مطابق سینیٹ سیکرٹریٹ چیئرمین سینیٹ الیکشن میں خفیہ کیمروں کے معاملے پر تشکیل دی جانے والی کمیٹی کا نوٹیفکیشن بھی جاری کردیا ہے۔

جاری نوٹیفکیشن کے مطابق کمیٹی میں سرفراز بگٹی، طلحہ محمود، ہدایت اللہ کو شامل کیا گیا ہے۔

اسکے علاوہ ای ڈی پپس بھی تحقیقاتی کمیٹی کا حصہ ہوں گے۔

نوٹیفکیشن میں مزید کہا گیا ہے کہ کمیٹی ایک ماہ میں معاملے کی تحقیقات مکمل کرنے کی پابند ہوگی۔

خیال رہے کہ سینیٹ سیکرٹریٹ سے جاری نوٹیفکیشن کی کاپی اٹارنی جنرل، سیکریٹری صدر، سیکرٹری وزیراعظم کو بھیج دی گئی ہے۔