پاکستان میں تعینات آذرباٸیجان کے سفیر جناب علی علیزادہ کی جانب سے نیول ہیڈ کوارٹرز اسلام آباد کا دورہ کیا گیا ہے۔

ترجمان پاک بحریہ کے مطابق آذرباٸیجان کے سفیر کی چیف آف دی نیول اسٹاف ایڈمرل محمد امجد خان نیازی سے ملاقات ہوئی ہے۔

ترجمان کا کہنا ہے کہ ملاقات کے دوران باہمی دلچسپی کے امور پر تبادلہ خیال کیا گیا ہے۔

ترجمان کا کہنا ہے کہ نیول چیف اور معزز مہمان نے خطے کی سکیورٹی صورتحال اور دوطرفہ دفاعی تعاون کے فروغ پر بات چیت کی ہے۔

ترجمان پاک بحریہ نے بتایا ہے کہ معزز مہمان نے امن مشقوں کے انعقاد کے ذریعے دنیا بھر کے ممالک کو ایک پلیٹ فارم پر یکجا کرنے پر پاکستان بالخصوص پاک بحریہ کی تعریف کی ہے۔