اسٹیٹ بینک آف پاکستان کے گورنر رضا باقر نے کہا ہے کہ ایف بی آر نے اوورسیز پاکستانیوں کیلئے ٹیکس کے معاملے کو آسان کیا ہے  کیونکہ اوورسیز پاکستانیوں کو سرمایہ کاری کے مواقع دینا وزیراعظم کا وژن ہے۔

گورنر اسٹیٹ بینک رضا باقر نے کہا ہے کہ روشن ڈیجیٹل کے ذریعے7 ماہ میں ایک بلین ڈالرز پاکستان آئے ہیں اور آسانیاں پیدا کرنے سے اوورسیز پاکستانی پیسہ لاکر سرمایہ کاری کرینگے اور اس سے ترسیلات زر میں اضافہ ہوگا۔

گورنر اسٹیٹ بینک کا کہنا ہے کہ روشن ڈیجیٹل پاکستان کے تحت نئے منصوبےلائیں گے کیونکہ روشن ڈیجیٹل کا مقصد آسانیاں پیدا کرنا ہے۔

رضا باقر نے بتایا ہے کہ روشن ڈیجیٹل کی طرح روشن ڈیجیٹل کار کا منصوبہ بھی لارہے ہیں جس سے اوورسیز پاکستانی باہر بیٹھ کر کسی کیلئے گاڑی خرید سکتے ہیں۔

گورنر اسٹیٹ بینک نے بتایا ہے کہ روشن ڈیجیٹل کار میں گاڑی خریدنے پر شرح سود بہت کم ہوگا، روشن ڈیجیٹل اکاؤنٹس میں مزید آسانیاں پیدا کریں گے ۔

رضا بار کا کہنا تھا کہ کنسٹرکشن انڈسٹری کا9 ماہ میں قرضہ200  ارب کا ہوگیا ہے، تاریخ میں اس رفتار سے کنسٹرکشن انڈسٹری کے قرضے میں اضافہ نہیں ہوا ہے۔