این سی او سی کی جانب سے تمام رجسٹرڈ شہریوں سے ویکسین لگوانے کی اپیل کردی گئی ہے۔

تفصیلات کے مطابق وفاقی وزیر برائے منصوبہ بندی اسد عمر کی زیرصدارت این سی او سی کے اجلاس میں شرکاء نے کورونا کی تیسری لہر میں اضافے پر تشویش کا اظہار کیا ہے۔

اجلاس میں بریفنگ کے دوران بتایا گیا ہے کہ کورونا کے بڑھتے ہوئے کیسز کے باعث مزید 594 آکسیجن بیڈ فراہم کیے ہیں جبکہ اضافی آکسیجن بیڈز میں پشاور اور سوات کو ترجیح دی گئی ہے۔

دوران اجلاس بتایا گیا ہے کہ 65 سال سے زائد عمر کے افراد کے لئے ویکسینیشن کی واک ان سہولت موجود ہے۔

اجلاس میں ویکسینیشن کا عمل مؤثر بنانے کیلئے ضلعی سطح پر کال سینٹرز کے قیام پر مشاورت بھی کی گئی ہے۔

دوران اجلاس بتایا گیا ہے کہ پاکستان بھر میں سنگل ڈوز کین سائینو ویکسین کا آغاز 5 اپریل سے کیا جائیگا۔