وفاقی وزیر ریلوے اعظم سواتی نے کہا ہے کہ آئندہ 6 سے 9ماہ کے دوران پاکستان ریلوے منافع بخش ادارہ بن جائے گا۔

تفصیلات کے مطابق وزیر ریلوے اعظم خان سواتی نے پریس کانفرنس کرتے ہوئے کہا ہے کہ ریلوے پچاس سال بعد منافع بخش ادارہ بن چکا ہے۔

انہوں نے بتایا ہے کہ پہلے ایک لاکھ بتیس ہزار لوگوں کو ریلوے سے پینشن ادا ہوتی تھی لیکن اب وزیراعظم اور فنائنس منسٹر نے پینشن کے لئے ایک الگ اکاؤنٹ مختص کر دیا ہے۔

ان کا کہنا تھا کہ ریلوے اراضی، رائل پام کلب پر قبضہ مافیا کا قبضہ تھا اور پونے دو سال سے رائل پام کی آمدن زیرو تھی لیکن اب اس کا خسارہ منافع میں بدل گیا ہے۔

اعظم سواتی نے بتایا ہے کہ پبلک پرائیویٹ پارٹنر شپ کے ذریعے ریلوے ورکرز اور افسران کیلئے رہائشی منصوبہ بنایا جائے گا۔