وفاقی وزیر برائے ہوا بازی غلام سرور خان نے کہا ہے کہ ملک میں بلاتفریق احتساب جاری رہےگا اورہر کسی کو اس کا سامناکرنا پڑیگا۔

تفصیلات کے مطابق وفاقی وزیر برائے ہوا بازی غلام سرور خان نے پریس کانفرنس کرتے ہوئے بتایا ہے کہ پی ٹی آئی میں کوئی گروپنگ اور فارورڈ بلاک نہیں ہے۔

غلام سرور خان نے کہا ہے کہ جہانگیرترین قانونی جنگ لڑرہے ہیں جس میں ان کے ساتھ زیادتی نہیں ہوگی  لیکن بلاتفریق احتساب جاری رہے گا۔

ان کا کہنا تھا کہ رنگ روڈ میں ان کی اور ان کے خاندان کی کوئی زمین نہیں ہے اور اگر کوئی  ملوث  ہوا تو کارروائی ضرور کی  جائے گی۔

وفاقی وزیر کا کہنا تھا کہ  پی ڈی ایم آپس میں کوئی ہم آہنگ نہیں ہے، الگ الگ مطالبات اورمنشور ہیں، اس لئے ان کا اتحاد اپنی موت آپ مر گیا ہے۔