جمہوریہ چیک کے سفیر مسٹر ٹامس سمیٹانکا کی سربراہ پاک فضائیہ ایئر مارشل ظہیر احمد بابر سدھو سے ملاقات ہوئی ہے۔

ترجمان پاک فضائیہ نے بتایا ہے کہ ملاقات کے دوران سفیر نے پاک فضائیہ کی کمان سنبھالنے پر ایئر چیف کو مبارکباد پیش کی ہے۔

پاک فضائیہ کے ترجمان کے مطابق معزز سفیر کی جانب سے پی اے ایف کی پیشہ وارانہ مہارت اور خود انحصاری کے میدان میں ہونے والی غیر معمولی پیشرفت کو سراہا گیا ہے۔

ترجمان نے بتایا ہے کہ ملاقات کے دوران ایئر چیف نے دونوں ممالک کے مابین موجودہ دوطرفہ تعاون کو مزید فروغ دینے کے عزم کا اعادہ کیا ہے۔

ترجمان کا کہنا ہے کہ دونوں معزز شخصیات نے آپس کے باہمی تعاون کو مزید بڑھانے اور وسعت دینے پر اتفاق کیا ہے۔

ترجمان پاک فضائیہ نے بتایا ہے کہ ملاقات کے دوران باہمی دلچسپی اور پیشہ وارانہ تعاون کے مختلف امور زیربحث آئے ہیں۔