پاکستان پیپلزپارٹی کے رہنما اعتزاز احسن نے کہا ہے کہ پیپلزپارٹی ملک میں انتخابی اصلاحات کی حامی ہے۔

تفصیلات کے مطابق پاکستان پیپلزپارٹی کے رہنما اعتزاز احسن نے بول نیوز کے پروگرام نیشنل ڈیبیٹ میں گفتگو کرتے ہوئے کہا کہ الیکشن میں دھاندلی کا ہر امکان ختم ہونا چاہیے۔

پاکستان پیپلزپارٹی کے رہنما نے کہا کہ الیکٹرونک ووٹنگ سے دھاندلی کاخاتمہ ہوسکتا ہے، الیکٹرونک ووٹنگ مشین سےووٹ خفیہ نہیں رہے گا۔

اعتزاز احسن نے یہ بھی کہا کہ الیکشن کمیشن کہنے کو آزاد ہے، مریم نواز بیانات میں دھمکیاں دیتی ہیں لیکن الیکشن کمیشن مریم نواز کے بیانات کا نوٹس ہی نہیں لیتا۔

پاکستان پیپلزپارٹی کے رہنما کا کہنا تھا کہ الیکشن میں 5فیصد ووٹ لینے والا امیدوار جیت جاتا ہے، ن لیگ کوشکست برداشت نہیں ،یہ ہمیشہ سلیکٹڈ ہوتے رہے، این اے 249میں سلیکٹرز کا کوئی کردار نہیں ہے۔

اعتزاز احسن کا یہ بھی کہنا تھا کہ جہانگیرترین گروپ حقیقت ہے،عمران خان دباؤمیں آئے ہیں، گروپ وزیراعظم کے خلاف گیا تونقصان ان کا بھی ہوگا۔

پاکستان پیپلزپارٹی کے رہنما اعتزاز احسن کا مزید کہنا تھا کہ لگتا نہیں پیپلزپارٹی اب پی ڈی ایم کاحصہ بنے گی اور الیکٹرونک ووٹنگ مشین پر پیپلزپارٹی اپنا فیصلہ کرے گی۔