کراچی سے اسلام آباد جانے والی ایک نجی ایئرلائن کے سوار بلال نامی شخص کی جانب سے ایک جوڑے کی شکایت درج کرائی گئی تھی جس کا اب تک کوئی جواب نہیں دیا گیا ہے۔

تفصیلات کے مطابق 2 روز قبل ایک نجی ایئرلائن کی فلائٹ میں اپنی فیملی کے ہمراہ سفر کرنے والے بلال نامی شخص کی جانب سے سول ایوی ایشن اتھارٹی کو شکایت درج کرائی گئی ہے۔

بلال نے اپنی درج کردہ شکایت کے حوالے سے بتایا کہ وہ جس جہاز میں اپنی فیملی کے ہمراہ سفر کر رہے تھے اس میں ان کی سیٹ کا نمبر 5 تھا جبکہ سیٹ نمبر 4 پر ایک جوڑا بیٹھا تھا۔

بلال نے بتایا کہ دوران فلائٹ وہ جوڑا مسلسل نازیبا حرکات میں مصروف تھا جس کی فلائٹ انتظامیہ کو شکایت بھی کی گئی تھی۔

انہوں نے بتایا کہ مسلسل شکایت کے باوجود کوئی ایکشن نہیں لیا گیا بلکہ انتظامیہ کی جانب سے اس جوڑے کو ایک کمبل فراہم کردیا گیا۔

بلال کا کہنا تھا کہ انتظامیہ کے اس رویئے کے بعد انہوں نے سی اے اے کو اپنی شکایت درج کروائی ہے لیکن تاحال کوئی مثبت  جواب موصول نہیں ہوا ہے۔