نواز شریف کو برطانیہ سے ڈی پورٹ کرانے کے معاملے پر مشیر برائے احتساب و داخلہ شہزاد اکبر کی جانب سے  اسلام آباد ہائی کورٹ جرنلسٹ ایسوسی ایشن سے گفتگو کی گئی ہے۔

اس دوران وفاقی وزیر اطلاعات و نشریات فواد چوہدری ،وزیر مملکت اطلاعات فرخ حبیب بھی ملاقات میں موجود تھے۔

گفتگو کے دوران شہزاد اکبر نے بتایا کہ برطانیہ کا قانون ہے کہ سزا یافتہ شخص کو وزٹ ویزا نہیں دیا جا سکتا ہے۔

انہوں نے کہا ہے کہ نواز شریف سزا یافتہ ہیں اور ہماری اطلاعات کے مطابق نواز شریف وہاں کوئی علاج  نہیں کروارہے ہیں۔

شہزاد اکبر نے کہا ہے کہ برطانیہ ایگزیکٹو آرڈرز کے ذریعے نواز شریف کو ڈی پورٹ کر سکتا ہے جس کے لئے برطانیہ نے پاکستان کو نواز شریف کی حوالگی کی درخواست دینے کا کہا ہے۔

اس ضمن میں فواد چوہدری نے کہا ہے کہ نواز شریف آصف زرداری سے کیسز کے التواء کا طریقہ سیکھ رہے ہیں۔