کراچی میں رینجرز اور پولیس  کی جانب سے مشترکہ کارروائی کی گئی جس میں 5 ملزمان گرفتار ہوئے ہیں۔

تفصیلات کے مطابق کراچی کے علاقے پرانا گولیمار میں رینجرز اور پولیس نے انٹیلی جنس معلومات کی بنیاد پر مشترکہ کارروائی کی جس میں 5 ملزمان گرفتار ہوئے ہیں۔

ذرائع کے مطابق ملزمان بھتہ خوری اور منشیات فروشی میں ملوث تھے۔

ترجمان کا کہنا ہے کہ گرفتار ملزمان میں ارسلان عرف مٹھوعرف سندھی، محمد بلال عرف بلو، اویس عرف پٹھان، ضمیر اور محمد حمزہ شامل ہیں۔

ترجمان نے بتایا کہ ملزمان  بھتہ خوری، منشیات فروشی، ڈکیتی، اسٹریٹ کرائم اور موبائل فون چھینے کی 200 سے زائد وارداتوں میں ملوث ہیں۔

ترجمان نے کہا کہ ملزمان سے اسلحہ اور منشیات بھی بر آمد کرلی گئی ہیں۔

ترجمان کا مزید کہنا ہے کہ ملزمان نے اعتراف کیا ہے کہ وہ پرانا گولیمار میں بدنام منشیات فروش کاشف ڈاڈا کے منشیات کے اڈے پر کام کرتے رہے ہیں اور ملزمان مخالف منشیات فروش گروہ کے کارندوں پر فائرنگ کر کے انہیں زخمی اور قتل کرنے میں بھی ملوث ہیں۔