وفاقی وزیر اطلاعات و نشریات چوہدری فواد حسین اور وزیر مملکت برائے اطلاعات فرخ حبیب سے چیئرمین نیا پاکستان ہاﺅسنگ ڈویلپمنٹ اتھارٹی لیفٹیننٹ جنرل (ر) انور علی حیدر کی ملاقات ہوئی ہے۔

ملاقات کے دوران صحافیوں کو وزیراعظم ہاﺅسنگ منصوبہ میں شامل کرنے کے حوالے سے امور زیر بحث آئے ہیں اور بتایا گیا ہے کہ پروگرام کے پہلے مرحلے میں اسلام آباد ریجن کے 600 صحافیوں کے لئے گھر مختص کئے جائیں گے۔

اس دوران وزیر اطلاعات نے بتایا کہ بعد ازاں اس پروگرام کا دائرہ کار کراچی، لاہور، فیصل آباد اور گوجرانوالہ تک بڑھایا جائے گا۔

انہوں نے مزید کہا کہ اس منصوبے کو بتدریج پشاور اور کوئٹہ بھی لے کر جائیں گے۔