وفاقی کابینہ کے اجلاس کے دوران حکومت کی جانب سے غزہ میں مسلمانوں کو امداد بھیجنے کا فیصلہ کیا گیا ہے۔

تفصیلات کے مطابق وزیراعظم عمران خان کی زیر صدارت آج وفاقی کابینہ کا اجلاس منعقد ہوا ہے جس میں فلسطین کی موجودہ صورتحال پر تبادلہ خیال کیا گیا ہے۔

دوران اجلاس وفاقی وزراء کی جانب سے اسرائیلی بربریت کی شدید الفاظ میں مذمت کی گئی ہے اور فیصلہ کیاگیا ہے کہ غزہ کے مسلمانوں کو امداد بھیجی جائیگی۔

اسکے علاوہ اجلاس کے دوران وزیر داخلہ شیخ رشید نے سرکاری ملازمین کی تنخواہوں میں اضافے کا مطالبہ کیا ہے۔

وزیراداخلہ نے کہا ہے کہ آئندہ بجٹ میں ایک سے 16 گریڈ کے تمام سرکاری ملازمین کی تنخواہوں اور پنشن میں اضافہ کیا جائے۔