پاکستان کی جانب سے افغانستان میں طالبان کی جانب سے عید الفطر پر تین روزہ سیز فائر کے اعلان کا خیرمقدم کیا گیا ہے۔

تفصیلات کے مطابق سماجی رابطے کی ویب سائٹ پر وزارت خارجہ کی جانب سے طالبان کے جنگ بندی کے اعلان کا خیرمقدم کیا گیا ہے۔

https://twitter.com/ForeignOfficePk/status/1391698474920341504

وزارت خارجہ کے جاری بیان کے مطابق پاکستان نے طالبان کی جانب سے جنگ بندی کے اعلان کا خیرمقدم کرتے ہوئے کہا ہے کہ ہم افغانستان میں تشدد میں کمی لانے کا باعث بننے والی تمام کوششوں کی مکمل حمایت کرتے ہیں۔

بیان میں بتایا گیا ہے کہ پاکستان افغانستان میں پائیدار، استحکام اور دیرپا امن کے حصول میں معاون ہے۔

خیال رہے کہ اس سے قبل افغان طالبان کی جانب سے عید کے موقع پر تین روزہ جنگ بندی کا اعلان کردیا گیا ہے۔