پاکستان کوسٹ گارڈز کی کارروائی پر 1580 کلو گرام اور تقریباً 5 کروڑ مالیت کی چرس برآ مد کرلی گئی ہے۔

ترجمان پاکستان کوسٹ گارڈز  کے مطابق خفیہ ذرائع سے حاصل ہونے والی معلومات پرڈی جی پی سی جی نے متعلقہ کمانڈر کو علاقے میں چیکنگ سخت کرنے کے احکامات جاری کیے۔

ترجمان کا کہنا تھا کہ موبائل گشت کے دوران شیری شیپ کے علاقے میں مشکوک نقل و حرکت کاتعاقب کیا گیا جبکہ ملزمان موبائل دیکھ کر اونٹوں کو چھوڑ موقع سے فرار ہوگئے۔

ترجمان نے بتایا ہے کہ اونٹوں کی تلاشی کے دوران 1580 کلو گرام اعلیٰ کوالٹی کی چرس برآ مد کی جو کہ بیرون ملک اسمگل ہونی تھی۔

ترجمان نے بتایا ہے کہ پکڑی جانے والی منشیات کی مالیت انٹرنیشنل مارکیٹ میں 5 کروڑ 21 لاکھ ڈالر کے قریب ہے۔