کمرشل معاملات کے جلد فیصلے ملکی ترقی کےلئے بہت ضروری ہیں، چیف جسٹس پاکستان

عروبہ خان

05th Jun, 2021. 01:03 pm
شيئر

چیف جسٹس آف پاکستان جسٹس گلزار احمد نے کہا ہے کہ کمرشل معاملات کے جلد فیصلے ملکی ترقی کےلئے بہت ضروری ہیں۔

تفصیلات کے مطابق چیف جسٹس پاکستان جسٹس گلزار احمد کی جانب سے پنجاب کی پہلی کمرشل کورٹ کا افتتاح کردیا گیا ہے۔

اس موقع پر جسٹس گلزار احمد کا کہنا تھا کہ پنجاب میں پہلی کمرشل کورٹ کا قیام ایک اہم سنگ میل ہے اور چیف جسٹس لاہور ہائی کورٹ اس پر مبارکباد کے مستحق ہیں۔

خیال رہے کہ لاہور ہائیکورٹ کے سینئر ترین جج جسٹس محمد امیر بھٹی سمیت لاہور ہائیکورٹ کے جسٹس شاہد کریم اور جسٹس جواد حسن بھی اس موقع پر موجود تھے۔

اختتام